Առաջարկում ենք պատրաստել Ղրիմյան չեբուրեկի

Բաղադրիչներ

Խմորի համար`

ալյուր — 2,5-3 բաժակ

ջուր — 3/4 բաժակ

ձվի դեղնուց — 1 հատ

բուսայուղ — 1/3 բաժակ

աղ — 0,5 թ/գդ

Խճողակի համար`

միս տավարի (աղացած) — 200 գր

սոխ — 1 գլուխ

աղ — ըստ ճաշակի

պղպեղ սև — ըստ ճաշակի

ջուր — 50 գր

Պատրաստման եղանակ

1․ Դեղնուցը լցնում ենք բաժակի մեջ, ավելացնում այնքան ջուր, որ բաժակի ¾-ը լցվի: Լցնում ենք աղն ու խառնում: Ձվային խառնուրդն աստիճանաբար լցնում ենք ալյուրի մեջ՝ պատառաքաղով անընդհատ խառնելով:

2․ Լավ խառնում ենք, մինչև որ խմորը փաթիլների վերածվի: Լցնում ենք բուսայուղը:

3․Հունցում ենք, բայց ոչ երկար:

4․ 30-40 րոպեով դնում ենք պոլիէթիլենային տոպրակի մեջ:

5․ Ստացվում է թեթևակի շերտավոր խմոր:

6․ Բաժանում ենք 10-12 մասի:

7․ Բարակ գրտնակում ենք: Պատրաստում ենք խճողակը: Մսին խառնում ենք բոլոր բաղարիչները, ինչից հետո դնում ենք շերտի մի կեսի վրա:

8․ Ծայրերը լավ ամրացնում ենք, որպեսզի տապակելիս չբացվի:

9․ Կոկիկ լինելու համար կարող ենք ծայրերը կտրել:

10․ Տապակում ենք միջին ուժգնության կրակին, երկու կողմից՝ մինչև ոսկեգույն դառնալը:

11․ Դնում ենք անձեռոցիկի վրա: Եվ վերջ, կարելի է ուտել:

Բարի ախորժակ:

Շատ համեղ չեբուրեկի է ստացվում, որը կարելի է ուտել թե՛ սառը, թե՛ տաք ժամանակ: Իսկ խմորը սառելուց հետո անգամ խրթխրթան է մնում

աղբյուր