Բշտիկները,կորյակներն ու մաշկային նմանատիպ այլ խնդիրները որպես կանոն ասոցացվում են դեռահասության շրջանի և հորմոնալ տատանումների հետ, սակայն խնդիրն այն է որ դրանք կարող են առաջանալ ցանկացած տարիքում և բավական տհաճ «անակնկալ»դառնալ յուրաքանչյուրի համար:
Նմանատիպ խնդիրներից ազատվելը երբեմն բավական դժվար է լինում, սակայն բնությունը, բարեբախտաբար, մարդկությանը տվել է անհրաժեշտ բոլոր բաղադրիչները դրանցից հնարավորինս արագ ազատվելու համար:Aif.ru կայքը ներկայացրել է բնական լոսյոնների երկու բաղադրատոմս, որոնք կօգնեն հեշտությամբ ազատվել բշտիկներից, կկանխեն նորերի առաջացումը և կմաքրեն մաշկը:
1․ Կեչու կեղև մանրացնել ու ավելացնել եռման ջուր 5:1 հարաբերակցությամբ:Թրմել 8 ժամ,այնուհետև քամել ու ստացված լոսյոնն օգտագործել մաշկը պարբերաբար մաքրելու և թրջոցներ դնելու համար:
2․ 3 ճաշի գդալ կեչու բողբոջներին ավելացնել կես բաժակ օղի, դնել որևէ մութ վայրում, թրմել մեկ շաբաթ այնուհետև քամել: Այս լոսյոնը լավագույն միջոցն է յուղոտ ու խնդրահարույց մաշկը մաքրելու և բորբոքումներից ազատվելու համար:
Այս բնական միջոցները կարող են շատ արդյունավետ լինել, սակայն հարկ է հիշել, որ բշտիկները կարող են պայմանավորված լինել առողջական որոշակի խնդիրներով, ուստի մինչ դրանց դեմ պայքարելը հարկավոր է նախ բուժզննում անցնել ու բացառել վտանգավոր հիվանդությունները, քանի որ ինքնաբուժությունը կարող է շատ տհաճ հետևանքներ ունենալ: Լուրջ խնդիրների դեպքում միայն փորձառու մասնագետը կկարողանա պարզել դրանց առաջացման պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:
