Գորտնուկները բավական տարածված ու տհաճ խնդիր են, որից ազատվելը կարող է շատ բարդ լինել։ Դրանք բարորակ նորագոյացություններ են, որոնց հարուցիչը մարդու պապիլոմավիրուսն է: Այս վիրուսն ակտիվանում է իմունային համակարգի թուլացման դեպքում և ստիպում է մաշկի բջիջներին ակտիվորեն բազմանալ:
Սովորաբար գորտնուկներից ազատվելու համար բժիշկները նշանակում են հատուկ պրոցեդուրաներ կամ դեղամիջոցներ, սակայն դրանք կարող են բավական ցավոտ ու թանկարժեք լինել՝ երբեմն անգամ չապահովելով սպասված արդյունք: Բարեբախտաբար կա մի պարզ ու արդյունավետ միջոց, որը կօգնի ընդամենը մի քանի օրում ազատվել այդ տհաճ նորագոյացություններից։ Գորտնուկների դեմ պայքարի ամենաարդյունավետ բնական միջոցներից մեկը խնձորի քացախն է, որն իր բաղադրության մեջ պարունակվող թթուների շնորհիվ ոչնչացնում է այս բարորակ նորագոյացությունները։
Այս մեթոդով գորտնուկներից ազատվելու համար պարզապես հարկավոր է բամբակյա սկավառակը թրջել քացախով, դնել ախտահարված հատվածին և ամրացնել կպչուն սպեղանիով։ Նման թրջոցները խորհուրդ է տրվում դնել երեկոյան և թողնել ամբողջ գիշեր։ Քացախով բուժման կուրսը տևում է երկու շաբաթ, որից հետո նորագոյացությունները կանհետանան, սակայն մինչ այս մեթոդը կիրառելը հարկավոր է խորհրդակցել մաշկաբանի հետ, քանի որ քացախաթթուն կարող է բացասաբար անդրադառնալ մաշկի վրա:
Հարկավոր է հաշվի առնել, որ գորտնուկներն օրգանիզմում առկա մարդու պապիլոմավիրուսի արտաքին դրսևորումներն են, ինչը նշանակում է, որ դրանցից ազատվելը չի երաշխավորում լիարժեք ապաքինում: Այս դեպքում խնդրին հարկավոր է համալիր մոտեցում ցուցաբերել, ինչը ենթադրում է նաև իմունային համակարգն ամրապնդող հատուկ դեղորայքի ընդունում: Սա է պատճառը, որ մինչ գորտնուկներից ազատվելը հարկավոր է դիմել բժիշկին և ստանալ անհրաժեշտ բոլոր ցուցումները:
Նյութի աղբյուր
