Մաշկային խոցերը հյուսվածքների վնասվածքներ են, որոնք ուղեկցվում են սաստիկ ցավով, այտուցներով, քորով և անգամ բորբոքումներով: Այս խոցերի առաջացման պատճառները կարող են տարբեր լինել, սակայն որպես կանոն դրանք պայմանավորված են լինում շաքարային դիաբետով, արյան շրջանառության խանգարումներով, զարկերակային բարձր ճնշմամբ, երիկամների հիվանդություններով և այլ խնդիրներով:
Խոցերից ազատվելը կարող է բավական բարդ լինել, սակայն կան շատ արդյունավետ բնական միջոցներ, որոնք կօգնեն շատ արագ բուժել մաշկն ու մեղմել ախտահարված հատվածի ցավը, քորն ու այտուցվածությունը: Ձեր ուշադրությանն ենք ներկայացնում դրանցից ամենաարդյունավետները:
Հազարատերևուկ սովորական
Այս բույսը շատ արդյունավետ միջոց է խոցերից ազատվելու համար: Այն հիանալի հակաբորբոքային ու հակաբակտերիալ միջոց է, որը նպաստում է վնասված հյուսվածքների վերականգնմանը, արագացնում է ապաքինման գործընթացն ու բարելավում է արյան շրջանառությունը: Բացի այդ, այս բույսն ազատում է սթրեսից ու կարգավորում է զարկերակային ճնշումը, ուստի շատ օգտակար է ընդհանուր ինքնազգացողության բարելավման համար:
Կտավատի սերմեր
Շատ արդյունավետ են նաև կտավատի սերմերը, որոնք հարկավոր է օգտագործել կոմպրեսի տեսքով: Հարկավոր է սերմերը մանրացնել, ավելացնել տաք ջուր ու լավ խառնել, այնուհետև ստացված մածուկը քսել վնասված մաշկին ու վիրակապել: Այս կոմպրեսն անհրաժեշտ է թողնել մի քանի ժամ, ուստի այս պրոցեդուրան խորհուրդ է տրվում կատարել քնելուց առաջ:
Մեղր
Բնական մեղրը հիանալի հակաբակտերիալ միջոց է, որը պաշտպանում է առողջ մաշկի հետագա ախտահարումից: Այս մթերքը կիրառվում է վերքերի, այրվածքների, մաշկային խնդիրներ և խոցերի բուժման համար: Պարբերաբար օգտագործելու դեպքում մեղրը կօգնի արագացնել ապաքինման գործընթացն ու կանխել բակտերիալ կամ վիրուսային վարակի տարածումը:
Երիցուկ
Երիցուկի թուրմը խոցերի բուժման լավագույն միջոցն է: Պարզապես հարկավոր է թրմել բույսն ու քսել բուժիչ թուրմն ախտահարված մաշկին: Պարբերաբար այս պրոցեդուրան կրկնելու դեպքում կարելի է կանխել վարակումն ու կարճ ժամանակահատվածում ազատվել խոցից:
Վերոնշյալ միջոցները կարող են խոցերի բուժման արդյունավետ միջոց դառնալ, սակայն հարկ է հիշել, որ մինչ դրանք կիրառելը հարկավոր է նախապես խորհրդակցել մասնագետի հետ: Բացի այդ, երբեմն խոցը միայն հիվանդության ախտանշանն է լինում, ուստի դրանից վերջնականապես ազատվելու համար հարկավոր է բուժել հիմնական հիվանդությունը, ինչը չի հաջողվի անել առանց փորձառու մասնագետի մոտ բուժզննում անցնելու:
Նյութի աղբյուր
